27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Սա հանրաքվեի խնդիր չէ, խիստ մասնագիտական է․ Արամ Մանուկյանը՝ Ամուլսարի խնդրի մասին․ ՏԵՍԱՆՅՈՒԹ
Քաղաքականություն
23.08.2019 | 13:38
Հայ ազգային կոնգրեսն Ամուլսարի հարցով դեռևս պաշտոնական դիրքորոշում չունի: Այս մասին այսօր լրագրողների հետ հանդիպմանն ասաց ՀԱԿ փոխնախագահ Արամ Մանուկյանը՝ անդրադառնալով Ամուլսարի հանքի շահագործման մասին հարցին:
«Փոշին ակնհայտ է, ստորջրյա հոսքերի վնասն ակնհայտ է: Ոչ մեկը չի ասում, որ վտանգ չկա, բոլոր զեկույցները դրանք մեղմելու մասին են, պետք է ամեն ինչ ուսումնասիրվի։ Արմեն Սարգսյանին պե՞տք է հարցնել սրա մասին, թե՞ ոչ: Ինքը այս երկրից է, այս խնդիրների հետ կապ ունի՞»,- ասաց ՀԱԿ փոխնախագահը։
Հարցին՝ ինչ իրավիճակում է հայտնվել Նիկոլ Փաշինյանը, և այստեղ վարչապե՞տը, թե՞ ժողովուրդը պետք է որոշում կայացնի, Արամ Մանուկյանը պատասխանեց. «Ինքը հնարավորինս թիմում պետք է նստի, բոլորին անկեղծ ասի պլյուսները, մինուսները: Ազնիվ չէ ասել, թե մինուսներ չկան»,- նշեց Մանուկյանը՝ նկատելով, որ շատ դժվար է որոշում կայացնել:
Ինչ վերաբերում է հանրաքվե անցկացնելուն, Արամ Մանուկյանն ասաց. «Չի կարող որոշում կայացնել ժողովուրդը, հանրաքվեի խնդիր չէ սա: Ծանր, խիստ մասնագիտական, պատասխանատու ուժ պետք է իմանա և որոշում կայացնի, արտաքին քաղաքական ճնշումներ կան, սա խիստ մասնագիտական հարց է»:
Մանրամասները՝ տեսանյութում։
Շողիկ Գալստյան
