19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Պարո՛ն Փաշինյան, ինչքանով եք վստահ, որ Ադրբեջանը մեր ցիանիդի փոսին չի խփի. ջերմուկցին՝ վարչապետին. ՏԵՍԱՆՅՈՒԹ
Հասարակություն
23.08.2019 | 13:28
Վարչապետ Նիկոլ Փաշինյանն այսօր Ջերմուկ քաղաքում Ամուլսարի հանքի շահագործման դեմ պայքարող ջերմուկցիներին հավաստիացրեց՝ հանքը փորձաքննության ենթարկած ընկերության հետ տեսակապով քննարկում է անցկացնելու և ստացված պատասխանները ներկայացվելու են հասարակությանը։
Ըստ վարչապետի՝ ինքն «Էլարդ» ընկերության ներկայացուցիչների հետ զրույցն այնպես է տանելու, որ պատասխանները լինեն հստակ և տարընթերցումների առիթ չտան:
Ջերմուկցիները, սակայն, Փաշինյանի խոսքի ընթացքում անընդհատ կրկնում էին, որ իրենք բնապահպաններ չեն և, որպես ջերմուկցի, պահանջում են դադարեցնել հանքի շահագործումը:
Քաղաքի բնակիչներից մեկն էլ վարչապետին հարց ուղղեց. «Պարո՛ն Փաշինյան, ինչքանո՞վ եք վստահ, որ մեր հակառակորդը մեր ցիանիդի փոսին չի խփի: Մենք պատերազմական գոտում ենք, 18 կիլոմետր հեռավորության վրա ենք գտնվում»:
«Իսկ ինչքանո՞վ եք վստահ, որ մեր ատոմակայանին չի խփի»,- արձագանքեց Նիկոլ Փաշինյանը:
Մանրամասները՝ տեսանյութում:
