11.10.2026 | 13:06
Վթարային ջրանջատում Վանաձոր քաղաքում
Անկախ քաղաքացին է պետություն կառուցում․ Արամ Մանուկյան. ՏԵՍԱՆՅՈՒԹ
Քաղաքականություն
23.08.2019 | 12:40
«Հպարտության, քաղաքացի դաստիարակելու տոն է, անկախության արժեքը պետք է լինի թիվ մեկը»,- այսօր լրագրողների հետ հանդիպմանն այս մասին ասաց ՀԱԿ փոխնախագահ Արամ Մանուկյանը՝ անդրադառնալով Հայաստանի Անկախության հռչակագրի ընդունման օրվան:
Հիշեցնենք, որ 29 տարի առաջ այս օրը` օգոստոսի 23-ին, Հայաստանի Գերագույն խորհրդի առաջին նստաշրջանի կողմից ընդունվեց «Հռչակագիր Հայաստանի անկախության մասին»՝ դնելով պետականության հաստատման գործընթացի սկիզբը:
«Անկախությունը բախտ է, երջանկություն, որ առիթ ու հնարավորություն է տվել ունենալ քաղաքացի, որը երկրի տերն է, անկախությունը քաղաքացու համար է։ Անկախ քաղաքացին է պետությունը կառուցում»,- շարունակեց Արամ Մանուկյանը՝ հավելելով, որ սա Գերագույն խորհրդի ընդունած լավագույն փաստաթուղթն է։
Ըստ Արամ Մանուկյանի՝ Անկախության հռչակագիրն ընդունելի է եղել և մնում է բոլոր քաղաքական ուժերի համար:
Մանրամասները՝ տեսանյութում։
Շողիկ Գալստյան
