04.02.2026 | 18:25
Լեհաստանը կհետաքննի Էփշտեյնի կապերը ռուսական հատուկ ծառայությունների հետ
Քուրդ զինյալները հարձակվել են թուրք ուժայինների վրա
Քաղաքականություն
22.08.2019 | 19:47
Թուրքիայի հարավարևելյան սահմանամերձ Շըրնաք նահանգում բախումներ են տեղի ունեցել «Քուրդիստանի բանվորական կուսակցության» (ՔԲԿ-PKK) և տեղի ժանդարմերիայի աշխատակիցների միջև. գրում է ermenihaber-ը:
Ըստ Շըրնաքի նահանգապետարանի հայտարարության՝ տեղի ունեցածի հետևանքով սպանվել է ժանդարմերիայի 3 աշխատակից, ևս 1 հոգի վիրավորվել է։
Քուրդ զինյալներին հայտնաբերելու և վնասազերծելու նպատակով տարածքում օդային և ցամաքային օպերացիա է սկսվել։
Հիշեցնենք, որ PKK-ն Թուրքիայում համարվում է ահաբեկչական կազմակերպություն։ Քուրդ զինյալների դեմ գործողությունները ընթանում են ինչպես Թուրքիայի ներսում, այնպես էլ երկրից դուրս։ Ըստ թուրքական կողմի՝ PKK-ի գլխավոր ռազմաբազան գտնվում է Հյուսիսային Իրաքի Քանդիլ շրջանում, որտեղ Թուրքիայի օդուժը հաճախ հրթիռակոծություններ է իրականացնում։
