27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Իրանը սեփական արտադրության «Բավար 373» զենիթահրթիռային համալիր է ներկայացրել
Քաղաքականություն
22.08.2019 | 16:23
Իրանի նախագահ Հասան Ռոհանին Իսլամական Հանրապետության պաշտպանական արդյունաբերության օրը «Բավար 373» զենիթահրթիռային համալիր է ներկայացրել: Այս մասին գրում է ԻՌՆԱ-ն:
Համալիրը 2017 թվականին արդեն փորձարկում է անցել: «Բավար 373»-ը մշակվել և ամբողջությամբ նախագծվել է Իրանում: Թեհրանի նկատմամբ Արևմուտքի սահմանած պատժամիջոցներից հետո Մոսկվան հրաժարվեց այս երկրին C-300 զենիթահրթիռային համալիրներ մատակարարել: Արդյունքում, իրանցի փորձագետները սկսեցին «Բավար 373» համալիրները մշակել:
Իրանցի զինվորականներն այս համալիրներն իրանական C-300-ներ են կոչում՝ ռուսական արտադրության զենիթահրթիռային համալիրներին դրանց նմանության պատճառով:
«Բավար 373» համալիրները հագեցած են «Սայադ 4» հրթիռներով և ունակ են 27 կմ բարձրությամբ և 200 կմ հեռավորությամբ տարբեր օդային թիրախներ խոցել, այդ թվում՝ կործանիչներ և «անտեսանելի օդանավեր», անօդաչուներ, թևավոր և բալիստիկ հրթիռներ: Միաժամանակ, դրանք կարող են թիրախը հայտնաբերել ավելի քան 300 կմ հեռավորությամբ:
