12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Իրաքի, Իրանի և Թուրքիայի ԱԳՆ ղեկավարները կոչ են արել քրդերին հրաժարվել հանրաքվեից
Քաղաքականություն
21.09.2017 | 15:57
Իրաքի, Իրանի և Թուրքիայի ԱԳ նախարարներ՝ Իբրահիմ ալ-Ջաաֆարին, Ջավադ Զարիֆը և Մևլութ Չավուշօղլուն Նյու Յորքում ՄԱԿ-ի Գլխավոր վեհաժողովի 72-րդ նստաշրջանի շրջանակում անցկացրած եռակողմ հանդիպման արդյունքներով հայտարարություն են ընդունել, որով կոչ են արել Իրաքյան Քուրդիստանի իշխանություններին հրաժարվել անկախության հարցով հանրաքվեի անցկացումից, փոխանցում է ria.ru-ն:
Իրաքյան Քուրդիստանի իշխանություններն Իրաքից անկախանալու մասին հանրաքվե են նշանակել սեպտեմբերի 25-ին: Բաղդադում հանրաքվեն անօրինական են անվանել ու դրա անցկացմանը դեմ է քվեարկել խորհրդարանը:
«Նախարարները վճռական հանձնառություն են հայտնել Իրաքի տարածքային ամբողջականության նկատմամբ և մտահոգություն հայտնել, որ հանրաքվեն մեծ վտանգի տակ է դնում ԻՊ-ի դեմ պայքարում Իրաքի ձեռքբերումները, որ այն հակասահմանադրական է և կարող է տարածաշրջանում նոր հակամարտություններ հրահրել: Կողմերը որոշել են դիմել Իրաքի քրդական շրջանի ղեկավարությանը՝ կոչ անելով հրաժարվել հանրաքվեի անցկացումից, և համաձայնել են այդ առնչությամբ քննարկել համակարգված պատասխան քայլերի ընդունման հարցը», – ասված է հայտարարությունում:
Երեք երկրների ԱԳՆ ղեկավարները քննարկել են նաև ԻՊ-ի դեմ պայքարը:
