13.10.2026 | 14:10
Հայաստանն ու Լեհաստանը քննարկել են տնտեսական դիվանագիտության ոլորտում համագործակցության ընդլայնումը
«Պահանջում եմ, որ պատգամավորները ներողություն խնդրեն՝ ԱԺ դարպասները քաղաքացիների առջև փակելու համար». Վարդգես Գասպարի. ՏԵՍԱՆՅՈՒԹ
Քաղաքականություն
22.08.2019 | 11:57
Ակտիվիստ Վարդգես Գասպարին Կառավարության դիմաց բողոքի ակցիա է իրականացնում: Նա պահանջում է, որ Ազգային ժողովի պատգամավորները ներողություն խնդրեն այն քաղաքացիներից, որոնց օգոստոսի 19-ին թույլ չեն տվել մտնել խորհրդարանի այգի և Ամուլսարի շահագործման շուրջ հանրային քննարկում կազմակերպել:
«Իմ իշխանության ներկայացուցիչներն այդ օրը տարանջատվեցին ժողովրդից, իրենց ընտրողներից: ԱԺ դարպասների փակումը ես համարում եմ ժողովրդավարության անկման լուրջ ահազանգը, մենք չպետք է ժողովրդավարությունից հեռանանք: Ի՞նչ վտանգ կա, որ դարպասները փակում ենք և ցուցարարներին ներս չենք թողնում»,- ասաց նա:
Վարդգես Գասպարին կարծում է, որ այդ օրը պետք է իշխանությունները լսեին քաղաքացիների խոսքը, ոչ թե ոստիկանական շարքերով պաշտպանվեին նրանցից. «Ես պահանջում եմ, որ ընտրված պատգամավորները պետք է ժողովրդից ներողություն խնդրեն»:
Մանրամասները՝ տեսանյութում:
Նարեկ Կիրակոսյան
