27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Հարգանքի տուրք Օշականի ճակատամարտում զոհված ռուս զինվորների և հայ կամավորականների հիշատակին
17.08.2019 | 18:00
Հարգանքի տուրք է մատուցվել Օշականի ճակատամարտում զոհվածների հիշատակին: Այս մասին ֆեյսբուքյան պաշտոնական էջում տեղեկացնում է ՀՀ Արմավիրի մարզպետարանի տեղեկատվության ու հասարակայնության հետ կապերի բաժինը:
ՀՀ Արմավիրի մարզպետի տեղակալ Կարեն Գրիգորյանը Պաշտպանության նախարարության և Զինված ուժերի բարձրաստիճան պաշտոնյաների, հայ առաքելական և ռուս ուղղափառ եկեղեցիների ներկայացուցիչների և բազմաթիվ հյուրերի հետ ներկա է գտնվել Օշականի ճակատամարտի 192-րդ տարելիցին նվիրված հանդիսավոր միջոցառմանը, հարգանքի տուրք մատուցել Էջմիածնի պաշտպանության ժամանակ զոհված ռուս մարտիկների և հայ կամավորականների հիշատակին։
Հուշակոթող-մատուռում հայ և ռուս հոգևորականների կողմից կատարվել է հոգեհանգստի կարգ, աղոթք է հնչեցվել առ Աստված` Օշականի ճակատամարտում զոհված 1131 ռուս զինվորների և հայ կամավորների հոգիների հանգստության համար:
Օշականի ճակատամարտի տարելիցին նվիրված միջոցառումն ամփոփվել է զինվորական շքերթով:
