18.10.2026 | 19:05
Աշխարհը միջազգային հարաբերությունների նշանակալի փոփոխությունների փուլում է․ Միրզոյան․ ՏԵՍԱՆՅՈւԹ
ԼՀԿ-ն առաջարկում է կառավարության նիստերին պատգամավորի նախագիծը պարտադիր զեկուցվող լինի. գործադիրում դեմ են
Քաղաքականություն
14.08.2019 | 21:30
Ազգային ժողովի ընդդիմադիր «Լուսավոր Հայաստան» խմբակցությունն առաջարկում է փոփոխություններ կատարել «Կառավարության կառուցվածքային եւ գործունեության մասին» ՀՀ օրենքում:
Մասնավորապես, ընդդիմադիր խմբակցությունն առաջարկում է Ազգային ժողովի խմբակցության կամ պատգամավորի կողմից առաջարկված նախագիծը կառավարության նիստի ժամանակ պարտադիր դարձնել զեկուցվող:
Այս մասին Factor.am-ը տեղեկանում է կառավարությունում շրջանառվող համապատասխան նախագծից: «Ազգային ժողովի պատգամավորի կամ խմբակցության կողմից ներկայացված օրենքի նախագիծը Կառավարության նիստում պարտադիր քննարկման ենթակա պետք է լինի»,- ասվում է նախագծում:
Կառավարությունը, սակայն, ընդդիմադիր խմբակցության այս առաջարկությանն արդեն բացասական եզրակացություն է տվել: Կառավարության վաղվա նիստում, ամենայն հավանականությամբ, այն չի ընդունվի:
Մասնավորապես, կառավարությունն առաջարկում է, որ ընդդիմադիր խմբակցությունը հստակ ներկայացնի օրինակներ՝ նախագծերին քննարկման հնարավորություն չընձեռելու կոնկրետ դեպքերի շուրջ,ինչը նախագծի ընդունումն առավել հիմնավոր կդարձներ: Կառավարությունում գտնում են, որ նախագծի ընդունման անհրաժեշտությունը բացակայում է, քանի որ մինչ կառավարության նիստի օրակարգ ընդգրկվելը նախագծերը քննարկվում են կոմիտեների նիստում եւ նախանիստում, որը վարում է փոխվարչապետը կամ վարչապետի աշխատակազմի ղեկավարը:
Նարեկ Կիրակոսյան
