08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Ղարաբաղ Տելեկոմ»-ը վերալիցքավորման քարտերի չպատճառաբանված թանկության մասին հայտարարություն է տարածել
12.08.2019 | 21:00
«Ղարաբաղ Տելեկոմ» ընկերությունը վերալիցքավորման քարտերի չպատճառաբանված թանկության մասին հայտարարություն է տարածել:
Հայտարարության մեջ մասնավորապես նշվում է.
«Մեզ պարբերաբար տեղեկություններ են հասնում «Ղարաբաղ Տելեկոմ»-ի սպասարկման կետերից դուրս, հատկապես՝ հեռավոր զորամասերի մոտակայքում, լիցքավորման քարտերի վերավաճառքի անհիմն բարձր գների մասին: Պաշտոնապես հայտնում ենք, որ Ընկերությունն այդ քարտերի մեծածախ վաճառքն իրականացնում է 5% զեղչով. 1,000 դրամանոցը՝ 950, և 500 դրամանոցը՝ 470 դրամով՝ ողջամիտ եկամուտ ապահովելով առևտրի կետերի համար: Մեր նպատակը վերջնական սպառողի համար որևէ հավելյալ ծախս չառաջացնելն է: Սակայն փաստ է, որ գործարար աշխարհի ոչ բոլոր ներկայացուցիչներն են նույն կերպ մտածում:
Հասկանալիորեն, «Ղարաբաղ Տելեկոմը» չի կարող ու նաև իրավասություն չունի մանրածախ կետերում վերահսկել վերալիցքավորման քարտերի գները: Նշված տհաճ երևույթից խուսափելու համար առաջարկում ենք լիցքավորումը կատարել Ընկերության կայքից, կամ առկա վճարային համակարգերով, որոնք հասանելի են հետևյալ հղումներով.
