27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Վերագործարկվել է Անկարա-Թեհրան ուղևորափոխադրող գնացքը
Քաղաքականություն
12.08.2019 | 20:40
Օգոստոսի 14-ից վերագործարկվում է Անկարա-Թեհրան, Թեհրան-Անկարա ուղևորափոխադրումներ իրականացնող գնացքը: Երթուղու շահագործումը դադարեցվել էր 2011-ին՝ Վանում տեղի ունեցած երկրաշարժից հետո, փոխանցում է ermenihaber-ը:
2015-ին էլ թուրք-իրանական սահմանի հարակից շրջաններում քրդերի հետ տեղի ունեցած բախումների հետևանքով դադարեցվել էր նաև Վան-Թավրիզ երկաթգծի գործունեությունը, որը դեռ շարունակվում էր Թեհրանի հետ երկաթուղային կապի ընդհատումից հետո:
2019-ի հունիսին նախ վերագործարկվեց Վան-Թավրիզ երկաթուղին, որից հետո էլ, պահանջարկի առկայությամբ պայմանավորված, որոշում էր կայացվել երկարացնել երթուղին Թուրքիայի կողմից մինչև Անկարա, իսկ Իրանի կողմից մինչև Թեհրան:
Առաջին գնացքը Թեհրանից արդեն հասել է Անկարա: Օգոստոսի 14-ից իրականացվելիք ուղևորափոխադրումները կատարվելու են 185 տեղանոց շարժակազմերով և տևելու են 57 ժամ:
