02.09.2026 | 11:20
Արման Ծառուկյան. «Առայժմ չեմ ցանկանում ռևանշ մենամարտ անցկացնել Մախաչևի հետ»
Նոր-Գեղիում վիճաբանության ժամանակ դիտավորությամբ վրաերթի է ենթարկել հարեւանին
12.08.2019 | 20:13
Նոր-Գեղիում օգոստոսի 11-ին տղամարդը անձնական հարցերի շուրջ ծագած վիճաբանության ժամանակ իր «Nissan» մակնիշի ավտոմեքենայով, դիտավորությամբ վրաերթի է ենթարկել իր հարեւանին։ Այս մասին տեղեկանում ենք ոստիկանության լրատվության ծառայությունից։
Օգոստոսի 11-ին, ժամը 18.50-ին, հիվանդանոցից ոստիկանության Նաիրիի բաժին հաղորդում է ստացվել, որ «կրծքավանդակի եւ որովայնի բութ տրավմա, ուսահոդի սալջարդ» ախտորոշմամբ բուժօգնության է դիմել Նոր-Գեղի գյուղի 62-ամյա մի բնակիչ եւ հայտնել, որ իրենց բակում վրաերթի է ենթարկվել:
Տղամարդն հաղորդում է տվել, որ նույն օրը, ժամը 15։00-ի սահմաններում, 71-ամյա իր հարեւանն անձնական հարցերի շուրջ ծագած վիճաբանության ժամանակ, իրենց տան դիմաց, իր «Nissan» մակնիշի ավտոմեքենայով, դիտավորությամբ վրաերթի է ենթարկել իրեն՝ պատճառելով վնասվածքները: Նախապատրաստվում են նյութեր:
