Տեսանյութեր
12.08.2019 | 12:38Արմավիրի մարզի Մեծամոր քաղաքում այսօր տեղի ունեցավ Ապրիլյան պատերազմի հերոս Սաշա Գալստյանին և մյուս հերոսներին նվիրված հուշարձանի բացումը։ Բացման արարողությանը ներկա էին ՀՀ վարչապետի տիկին Աննա Հակոբյանը, պաշտպանության փոխնախարար Գաբրիել Բալայանը, Արմավիրի մարզպետ Համբարձում Մաթևոսյանը, այլ հյուրեր։
Հուշարձանի հեղինակ, ճարտարապետ Արթուր Բաղդասարյանը նշեց, որ մի քանի ամսում կառուցված հուշարձանը քարի ու մետաղի համադրություն է։ Նրա խոսքով՝ հուշարձանի երկու սյուները խորհրդանշում են հայ ժողովրդին, որն իր ձեռքերի վրա պահում է խաչը՝ որպես հավերժության նշան, և կենաց ծառը, իսկ երկու սյուների վրա նշված են Ապրիլյան պատերազմում զոհված հերոսների անունները. 106 հերոս՝ գումարած մեկը՝ Սաշա Գալստյանը։
Մանրամասները՝ տեսանյութում:
Նելլի Մելքոնյան
