18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Պայթյուն Սիրիային սահմանակից թուրքական զինապահեստներից մեկում
Քաղաքականություն
09.08.2019 | 12:34
Սիրիային սահմանակից Թուրքիայի հարավ-արևելյան Հաթայ նահանգի Ռեյհանլը շրջանի զինապահեստներից մեկում իրար հաջորդող մի քանի պայթյուններ են որոտացել։ Այս մասին գրում է ermenihaber.am-ը:
Պատճառը և հանգամանքները դեռևս պարզված չեն։ Զոհերի և վիրավորների մասին նույնպես տեղեկություններ չկան։
Աղբյուրի փոխանցմամբ՝ դեպքի վայրում են մեծ թվով շտապօգնության և ոստիկանական մեքենաներ։ Անվտանգության նկատառումներից ելնելով՝ հարակից բնակելի տներից մարդիկ տարհանվել են:
Այս պահին Ռեյհանլը տանող մայրուղին փակված է։ Թուրքական աղբյուրը տեղեկություններ չի հաղորդում, թե կոնկրետ ինչ զինատեսակներ են պայթյունից վնասվել։
Հետաքննություն է կատարվում:
