22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Թուրքական 2-րդ նավը հորատման աշխատանքներ է սկսել Կիպրոսի ափերին
Քաղաքականություն
07.08.2019 | 20:08
Թուրքիայի էներգետիկայի և բնական պաշարների նախարար Ֆաթիհ Դյոնմեզը Կիպրոսի տնտեսական գոտում հորատման աշխատանքներ իրականցնող թուրքական նավերի աշխատանքին հետևելու համար այցելել է այսպես կոչված Հյուսիսային Կիպրոսի թուրքական հանրապետություն: Այս մասին գրում է ermenihaber.am-ը։
Նա տեղեկացրել է, որ հորատման աշխատանքներ կատարող 2-րդ նավը՝ «Յավուզը» արդեն 1710 մետր խորությամբ հորատում է կատարել: Ըստ Դյոնմեզի՝ այդ շրջանում 2.5-3 ամսվա աշխատանքային ծրագիր ունեն և հույս ունեն, որ վերջնակետին հասնելիս գազ կգտնեն: Դյոնմեզը նշել է, որ հորատման աշխատանքներն իրականացնում «եթե գազ կա, ապա անպայման գտնելու ենք» կարգախոսով: Դյոնմեզը տեղեկացրել է, որ օգոստոսին Միջերկականի արևելք կուղարկեն սեյսմիկ հետազոտություններ իրականացնող 2-րդ «Օրուչ Ռեիս» նավը:
Այդպիսով Կիպրոսի բացառիկ տնտեսական գոտում Թուրքիայի նավերի թիվը կհասնի 4-ի՝ 2 հորատող և 2 հետազոտական նավ:
Դյոնմեզը շեշտել է, որ Թուրքիան մինչև վերջ պաշտպանելու է Կիպրոսի թուրքերի իրավունքները և շահերը:
