14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Տիգրան Խաչատրյանը մասնակցել է ԵՏՄ էկոնոմիկայի նախարարների նիստին
Տնտեսություն
07.08.2019 | 19:50
ՀՀ էկոնոմիկայի նախարար Տիգրան Խաչատրյանը աշխատանքային այցով օգոստոսի 6-9-ը Ղրղզստանում է։ Օգոստոսի 7-ին՝ ԵՏՄ միջկառավարական խորհրդի նիստին ընդառաջ, Իսիկ Կուլում տեղի է ունեցել Եվրասիական տնտեսական միության անդամ պետությունների էկոնոմիկայի նախարարների առաջին հանդիպումը։
Էկոնոմիկայի նախարարության տեղեկատվության և հասարակայնության հետ կապերի վարչության տեղեկացմամբ՝ հանդիպման ընթացքում Եվրասիական տնտեսական միության անդամ պետությունների էկոնոմիկայի նախարարները և Եվրասիական տնտեսական հանձնաժողովի ներկայացուցիչները քննարկել են տնտեսական օրակարգի հարցերի լայն շրջանակ։
Մասնավորապես, քննարկվել են անդամ պետությունների մակրոտնտեսական ընթացիկ իրավիճակի և առևտրաշրջանառության ծավալների հետ կապված հարցեր: Նախարարները քննարկել են ԵՏՄ երկրների տնտեսությունների մակրոտնտեսական կայունության բարձրացման հեռանկարները: Մասնակիցներն անդրադարձել են նաև մինչև 2025 թվականը տնտեսական ինտեգրման զարգացման ռազմավարական ուղղությունները սահմանող փաստաթղթի պատրաստման ուղղությամբ իրականացվող աշխատանքներին։
Այցի շրջանակում նախատեսված են նախարարի երկկողմ հանդիպումներ գործընկերների հետ։ Տիգրան Խաչատրյանը նաև կմասնակցի օգոստոսի 9-ին կայանալիք ԵՏՄ միջկառավարական խորհրդի նիստին։
