15.01.2026 | 10:05
Դավիթ Հարությունյանի գործով նիստը ԲԴԽ-ում՝ ՈՒՂԻՂ
Մադուրոն հայտարարել է, որ իր դեմ մահափորձը Ջոն Բոլթոնն է կազմակերպել
Քաղաքականություն
07.08.2019 | 15:04
Վենեսուելայի նախագահ Նիկոլաս Մադուրոն հայտարարել է, որ մեկ տարի առաջ իր դեմ իրականացված մահափորձի գործում ԱՄՆ նախագահի՝ ազգային անվտանգության հարցերով օգնական Ջոն Բոլթոնի մասնակցության ապացույցներ ունի: Այս մասին նա հայտարարել է The Grayzone-ին տված հարցազրույցում, գրում է ՏԱՍՍ-ը:
«Ես բոլոր ապացույցներն ունեմ, որպեսզի մեղադրեմ Ջոն Բոլթոնին և նրա նկատմամբ պատմական հետաքննություն պահանջեմ: Նա անհաջողության մատնված հանցագործ է»,- ասել է Մադուրոն:
Նա նաև հավելել է, որ ամերիկյան իշխանությունները «կշարունակեն անհաջողության մատնվել Վենեսուելայում պետական հեղաշրջում իրականացնելու իրենց փորձերում»:
Վենեսուելայի նախագահին պայթուցիկով լի անօդաչու սարքի օգնությամբ սպանելու փորձը ձեռնարկվել էր 2018 թվականի օգոստոսի 4-ին Կարակասում, երբ նա ելույթ էր ունենում Բոլիվարյան ազգային գվարդիայի ստեղծման 81-ամյա առիթով կազմակերպված արարողության ժամանակ: Մադուրով և երկրի բարձրագույն ղեկավար կազմի անդամները չէին տուժել:
Դրանից հետո Նիկոլաս Մադուրոն տեղի ունեցածի համար մեղադրեց վենեսուելական և կոլումբիական ծայրահեղ աջերին, ինչպես նաև Կոլումբիայի այն ժամանակվա նախագահ Խուան Մանուել Սանտոսին: Կոլումբիայի ԱԳՆ-ն այս մեղադրանքներն աբսուրդ որակեց:
