14.12.2025 | 16:13
ՀԱԿ նախագահ է վերընտրվել Լևոն Տեր-Պետրոսյանը
Ինգուշեթիայում ահաբեկիչ է ոչնչացվել
Քաղաքականություն
07.08.2019 | 11:59
Իրավապահներն Ինգուշեթիայում ահաբեկչի են ոչնչացրել, որն ահաբեկչական գործողություն է ծրագրել: Այս մասին ՏԱՍՍ-ին հաղորդել են Ազգային հակաահաբեկչական կոմիտեի մամուլի ծառայությունից:
«Այսօր գիշեր ՌԴ ԱԴԾ-ի կողմից Ինգուշեթիայի Հանրապետությունում անցկացված օպերատիվ-հետախուզական միջոցառումների ընթացքում տեղեկություն է ստացվել զինված հանցագործի գտնվելու վայրի մասին, որն ահաբեկչություն է ծրագրել»,- ասել են ծառայությունում:
Ահաբեկչին առաջարկել են հանձնվել, սակայն նա կրակ է բացել իրավապահ մարմինների աշխատակիցների ուղղությամբ: Փոխհրաձգության արդյունքում ահաբեկիչը չեզոքացվել է:
Դեպքի վայրում ինքնաշեն պայթուցիկ սարք,նռնակներ, հրազեն և զինամթերք է հայտնաբերվել:
Հանցագործի ինքնությունը պարզվել է: Ըստ Ազգային հակաահաբեկչական կոմիտեի տվյալների՝ նա Ինգուշեթիայում մարդկանց հավաքագրմամբ է զբաղվել՝ նպատակ ունենալով ահաբեկչական բջիջ ստեղծել, ահաբեկչական գործողություն իրականացնել, այնուհետև մեկնել Սիրիա՝ միջազգային ահաբեկչական կազմակերպությանը միանալու համար:
Ավելի վաղ ՌԴ գլխավոր դատախազի տեղակալը հայտնել էր, որ այս տարեսկզբից 17 ահաբեկչություն է կանխվել:
