19.05.2024 | 20:08
Իրանի նախագահին ուղեկցող թղթակիցը մանրամասներ է հայտնել
«Մաս-մաս, բայց տեսանելի են»․ Աշոտ Փաշինյանը՝ զինվորի կյանքում փոփոխությունների մասին․ ՏԵՍԱՆՅՈՒԹ
Քաղաքականություն
06.08.2019 | 11:30
Ստեփանակերտի Վերածննդի հրապարակում ՀՀ վարչապետ Նիկոլ Փաշինյանի հրավիրած հանրահավաքին մասնակցում էր նաև նրա որդին՝ Աշոտ Փաշինյանը: Նա, ինչպես հայտնի է, զինվորական ծառայություն է անցնում Արցախի զորամասերից մեկում։
Աշոտին ծնողները տեսակցում են գրեթե ամեն անգամ Արցախ այցելելիս։ «Արցախի ՊԲ զինծառայող, շարքային Փաշինյանի հետ»,- այսպես է որդու և տիկնոջ՝ Աննա Հակոբյանի հետ լուսանկարը վերնագրել ՀՀ վարչապետը։
Աշոտ Փաշինյանը կանգնած էր հարթակին շատ մոտ՝ ՀՀ ԱԱԾ տնօրեն Արթուր Վանեցյանի ու Աննա Հակոբյանի կողքին։ Երբ հանրահավաքն ավարտվեց, ՊԲ շարքային զինծառայող Փաշինյանը մի քանի ազատ րոպե ունեցավ, որն օգտագործեց արցախցիների հետ ողջագուրվելով ու լուսանկարվելով։ Նրանից մի քանի րոպե խլեցինք նաև մենք։
Երբ խնդրեցինք պատմել ծառայությունից, ասաց՝ ռազմական գաղտնիք է. «Չեմ կարող մանրամասնել»։ Հետաքրքրվեցինք՝ արդյո՞ք բանակի մասին մինչ զորակոչվելն ունեցած իր պատկերացումները նույնն են տեսածի հետ, ինչին ՀՀ վարչապետի որդին պատասխանեց․ «Մի քիչ իրականում բանակը դժվար է պատկերացնել, բայց կարելի է ասել, հա էլի…»։ Շարունակեց, որ, այնուամենայնիվ, որոշ տարբերություններ նկատել է իր նախնական պատկերացման ու բանակային իրական կյանքի միջև։
Նշենք, որ այս պահին առնվազն 8 զորամասում գործում է սննդի մատուցման նոր կարգ։ Այդ գործը Կառավարությունը պատվիրակել է մասնավոր ընկերություններին։ Պարբերաբար խոսվում է նաև զինծառայողներին նոր որակի հանդերձանք տրամադրելու մասին։ Աշոտ Փաշինյանն ասաց՝ փոփոխություններն ամբողջությամբ չեն զգացվում, մաս-մաս, բայց տեսանելի են։
Մանրամասները՝ տեսանյութում:
Ռոբերտ Անանյան
