05.08.2026 | 21:51
Էրդողանի դաշնակից Բահչելին կոչ է արել ազատ արձակել Օջալանին ու Դեմիրթաշին
Ունենալ 10 մլրդ դոլար արժեքը գերազանցող առնվազն 5 տեխնոլոգիական ընկերություն, 10 հազար աշխատող սթարտափ․ Փաշինյանը հրապարակել է ռազմավարական նպատակների նախագիծը
Քաղաքականություն
06.08.2019 | 10:16
Վարչապետ Նիկոլ Փաշինյանն իր ֆեյսբուքյան էջում հրապարակել է մինչև 2050 թվականը Հայաստանի ռազմավարական նպատակադրումների մասին նախագծից մի հատված։
«- Հայաստանի բնակչությունը հասցնել առնվազն 5 միլիոն մարդու:
– Ստեղծել 1 միլիոն 500 հազար աշխատատեղ, ապահովել առնվազն 2.5 միլիոն մարդու զբաղվածությունը եւ վերացնել աղքատությունը:
– Հայաստանը դարձնել արդյունաբերական երկիր, 15-ապատկել Հայաստանի Համախառն Ներքին Արդյունքը:
– Ունենալ 10 մլրդ դոլար արժեքը գերազանցող առնվազն 5 տեխնոլոգիական ընկերություն և 10 հազար աշխատող սթարտափ:
– Յոթնապատկել միջին աշխատավարձը:
– Բանակի մարտունակության ցուցանիշով տեղ զբաղեցրել աշխարհի առաջատար երկրների առնվազն առաջին 20-յակում:
– Ունենալ աշխարհի 10 ամենաարդյունավետ հետախուզական ծառայություններից մեկը:
– Ապահովել առողջապահական ծառայությունների 100 տոկոսանոց հասանելիություն, 20-ապատկել առողջապահության ֆինանսավորումը:
– Կրթությունը դարձնել ազգային ապրելակերպ, 20-ապատկել կրթության եւ գիտության ֆինանսավորումը:
– Հայաստան այցելող զբոսաշրջկների թիվը հասցնել 15 միլիոնի:
– Ֆուտբոլի հավաքականը դարձնել Եվրոպայի եւ/կամ աշխարհի առաջնության մեդալակիր, նվաճել 25 օլիմպիական ոսկե մեդալ և շախմատի աշխարհի անհատական չեմպիոնի կոչումը:
Արցախը Հայաստան է եւ վերջ»,-գրել է վարչապետը:
Հիշեցնենք, որ այս նախագծի մասին առաջին անգամ Նիկոլ Փաշինյանը խոսեց օգոստոսի 5-ին Ստեփանակերտի Վերածննդրի հրապարակում կայացած հանրահավաքի ժամանակ։
