27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
ՀՀ բնակչությունը մինչև 2050թ. դարձնել 5 միլիոն. Փաշինյանը ներկայացրեց ռազմավարական նպատակները․ ՏԵՍԱՆՅՈՒԹ
Քաղաքականություն
05.08.2019 | 20:02
ՀՀ վարչապետ Նիկոլ Փաշինյանը Ստեփանակերտի Վերածննդի հրապարակում անցկացվող հանրահավաքի մասնակիցներին ներկայացրեց խնդիրներ, որոնք, ըստ նրա, Հայաստան Հանրապետությունը պետք է կարողանա լուծել մինչև 2050 թվականը:
Փաշինյանի խոսքով՝ մինչև 2050թ. Հայաստանի բնակչությունը պետք է հասցնել 5 մլն մարդու, ստեղծել 1.5 մլն աշխատատեղ, լուծել 2.5 մլն մարդու զբաղվածության հարց և վերացնել աղքատությունը, Հայաստանը դարձնել արդյունաբերական երկիր, 15-ապատկել երկրի ՀՆԱ-ն, ունենալ 10 մլրդ դոլար արժեքը գերազանցող առնվազն 5 հայկական տեխնոլոգիական ընկերություն և այլն:
«Յոթնապատկել միջին աշխատավարձը, բանակի մարտունակության ցուցանիշով տեղ զբաղեցնել աշխարհի առաջատար երկրների առնվազն առաջին քսանյակում, ունենալ աշխարհի 10 ամենաարդյունավետ հետախուզական ծառայություններից մեկը, ապահովել առողջապահական ծառայությունների 100 տոկոսանոց հասանելիություն, կրթությունը դարձնել ազգային ապրելակերպ, կրթության և գիտության ֆինանսավորումը քսանապատկել»,- շարունակեց թվարկել ՀՀ վարչապետը:
«Համոզված եմ՝ հիմա ձեզնից շատերը հարցնում են՝ ինչու Արցախի մասին ոչինչ ասված չէ: Պատասխանը շատ պարզ է, որովհետև Արցախը Հայաստան է և վե՛րջ»,- հայտարարեց Նիկոլ Փաշինյանը:
Մանրամասները՝ տեսանյութում:
