12.06.2026 | 16:06
Ալեն Ղևոնդյանի ու Տիգրան Վարդանյանի նկատմամբ հանրային քրեական հետապնդում է հարուցվել. ՔԿ
Նիկոլ Փաշինյանը Ստեփանակերտում հանրահավաքի ժամանակ իր բանաստեղծությունն ընթերցեց․ ՏԵՍԱՆՅՈՒԹ
Քաղաքականություն
05.08.2019 | 19:42
Վարչապետ Նիկոլ Փաշինյանն այսօր Ստեփանակերտի Վերածննդի հրապարակում մեկնարկած հանրահավաքի ժամանակ որպես բացման խոսք ընթերցեց 2016 թվականին իր գրած բանաստեղծություններից մեկը։
«Որպես մեր նահատակներին, Արցախյան հերոսամարտի բոլոր մասնակիցներին, բոլոր գեներալներին, սպաներին, զինվորների մատուցվող հարգանքի տուրք ելույթս ուզում եմ սկսել անսովոր կերպով՝ կարդալով իմ այն բանաստեղծությունը, որ գրել եմ 2016 թ. Մարտակերտի շրջանում, որպես պաշտպանության բանակի կամավոր մարտական դիրքում»,-ասաց վարչապետը՝ շարունակելով․
Տիգրանի քաղաքի լանջերից հորիզոնն է ծփում անսահման,
Դարեր անց՝ մենք այստեղ ենք նորից, մենք կանգնած ենք հեռվին հանդիման,
Մեր սարերը, մեր բախտը, մեր լացը, մենք ճեղքել ենք, հաղել ենք նրանց ,
Հորիզոնը այստեղ՝ մեր դիմաց է, թիկունքում՝ մեր արտերը կանաչ,
Մեր հայացքը այլեւս ազատ է, ոչ մի պատ չի բանտում միտքը մեր,
Հեռուները մոտիկ հարազատ են, մենք զինվոր ենք, հաղթող ենք ու տեր,
Այս հողի մեջ հոգուս զարկերակն է, այս հողով իմ արյունն է հոսում,
Ես պատռել եմ զոհի հին կտակը, հաղթողի նոր խոսքեր եմ խոսում,
Մեր հայացքը այլեւս ազատ է, ոչ մի պատ չի բանտում միտքը մեր,
Հեռուները մոտիկ հարազատ են, մենք զինվոր ենք, հաղթող ենք ու տեր:
Մանրամասները՝ տեսանյութում։
