18.09.2026 | 10:30
Հարցազրույց չեմ տալիս, ֆրակցիայի նիստ ենք անում. Ռոբերտ Քոչարյանը կատակեց․ ՏԵՍԱՆՅՈՒԹ
Մեծ Բրիտանիան ներգրավվել է Իրանի դեմ ԱՄՆ-ի տնտեսական ահաբեկչությունում. Զարիֆ
Քաղաքականություն
05.08.2019 | 14:02
Իրանի կողմից Stena Impero նավթային լցանավի կալանքը հայելային պատասխան չէր, այլ ընդամենը խախտումների հետևանքով կալանք: Այդ խախտումները պետք է հետաքննվեն իրանական դատարաններում: Այս մասին այսօր հրավիրած ասուլիսում հայտարարել է Իրանի ԱԳ նախարար Մոհամմադ Ջավադ Զարիֆը, գրում է ԻՌՆԱ-ն:
Նա նշել է, որ Ջիբրալթարի նեղուցում Մեծ Բրիտանիայի կողմից Grace 1 լցանավի կալանքը, որում 2 մլն բարել իրանական նավթ կար, ցույց տվեց, որ այդ երկիրը միանում է «իրանցի ժողովրդի դեմ ԱՄՆ-ի տնտեսական ահաբեկչության կոալիցիային»:
«Իրականում բրիտանացիները ներգրավվել են Իրանի դեմ ԱՄՆ-ի տնտեսական ահաբեկչությունում, և դա, անկասկած, իր հետևանքներն ունի»,- ասել է Մոհամմադ Զարիֆը:
Իրանցի դիվանագետը նաև մատնանշել է, որ ԻԻՀ-ն Պարսից ծոցի տարածաշրջանում ամենամեծ երկարությամբ ափամերձ գիծն ունի՝ պարզաբանելով, որ իրենք պատասխանատվություն են կրում այդ տարածաշրջանում անվտանգության համար և միշտ պահպանել են Պարսից ծոցի և Հորմուզի նեղուցի անվտանգությունը:
«Երբեմն մենք անտեսել են Պարսից ծոցում նավերի որոշ խախտումներ, բայց ներկայում պատճառ չենք տեսնում անտեսել բրիտանացիների խախտումները, որոնք ծովահենության մասնակից են»,- հավելել է Զարիֆը:
