Տնտեսություն
02.08.2019 | 19:16Այս տարի 114%-ով ավելացել է արդյունաբերական տեխնոլոգիաների ֆինանսավորումը: Այս մասին այսօր ՀՀ բարձր տեխնոլոգիական արդյունաբերության նախարարության շնորհանդեսին իր ելույթում նշեց բարձր տեխնոլոգիական արդյունաբերության նախարար Հակոբ Արշակյանը:
Նրա խոսքով՝ հայկական տեխնոլոգիական ոլորտը խոտածածկի է նման, որն անհրաժեշտ աշխատանքների իրականացման արդյունքում կարող է անտառի վերածվել:
«Վերջին տարիներին տեխնոլոգիաները շուրջ 1000 անգամ ավելի արագ են զարգանում: Հայաստանի առաջատար ընկերություններից յուրաքանչյուրի հետևում 1-2 մարդ է, որոնք ժամանակ են գտել, իրենց գաղափարն իրականություն դարձրել: Մենք պետք է տաղանդավոր մարդկանց հնարավորություն տանք, ինչի համար պետք է ստարտափերի համար հզոր էկոհամակարգ ունենալ»,- նշեց նախարարը:
Բարձր տեխնոլոգիաների արդյունաբերության շնորհանդեսի ընթացքում Հակոբ Արշակյանը նաև բարձր տեխնոլոգիական խորհրդատվական մարմնի ստեղծման մասին հայտարարեց:
Մանրամասները՝ տեսանյութում:
Նելլի Մելքոնյան
