04.04.2026 | 16:14
Transfermarkt-ը ներկայացրել է ամենաթանկ դարպասապահների տասնյակը
ԱՄՆ-ն վախենում է Զարիֆի բանակցելու արվեստից. Թեհրանն արձագանքել է Իրանի ԱԳ նախարարի դեմ պատժամիջոցներին
Քաղաքականություն
01.08.2019 | 17:29
Իրանի ԱԳՆ պաշտոնական ներկայացուցիչ Աբբաս Մուսավին, անդրադառնալով երկրի ԱԳ նախարար Մոհամմադ Ջավադ Զարիֆին ամերիկյան պատժամիջոցների ցանկում ներառելու որոշմանը, հայտարարել է, որ ամերիկացիները չափազանց վախենում են նրա տրամաբանությունից և բանակցություններ վարելու արվեստից: Այս մասին գրում է ԻՌՆԱ-ն:
«Ամերիկյան առաջնորդների հակասականությունը նրանում է, որ նրանք բազմիցս Զարիֆին համարել են անպատասխանատու իրանական քաղաքականությունում, բայց ակնհայտ հիմարությամբ պատժամիջոցներ են սահմանել նրա դեմ: Ամերիկացիները վախենում են Զարիֆի տրամաբանությունից և բանակցություններ վարելու արվեստից»,- ընդգծել է նա:
Պատժամիջոցներին արձագանքել է նաև ինքը՝ Մոհամմադ Ջավադ Զարիֆը՝ շնորհակալություն հայտնելով իրեն սպառնալիք համարելու համար:
«ԱՄՆ-ն ինձ ներառել է պատժամիջոցների ցանկում՝ որպես ամբողջ աշխարհում Իրանի գլխավոր ներկայացուցչի: Պատժամիջոցները չեն ազդում ո՛չ ինձ, ո՛չ իմ ընտանիքի վրա, քանի որ ես ակտիվներ կամ շահեր չունեմ Իրանի սահմաններից հետո: Շնորհակալություն, որ ինձ այդքան մեծ սպառնալիք եք համարում ձեր նպատակներին»,- Twitter-ում գրել է Զարիֆը:
Նշենք, որ ԱՄՆ-ի գանձապետարանը, որն Իրանի դեմ տնտեսական պատերազմի մարմինն է դարձել, ԱԳ նախարար Մոհամմադ Ջավադ Զարիֆին ներառել է պատժամիջոցների ցուցակում:
