14.12.2024 | 17:43
Հաստատվել է ՖԻՖԱ Աշխարհի 2026 թվականի առաջնության որակավորման փուլի խաղացանկը
Նախկին իշխանություններն էլ չեն թաքցնում՝ իրենց հույսը Հրայր Թովմասյանն է ու ՍԴ-ն. «Իմ քայլի» պատգամավոր. ՏԵՍԱՆՅՈՒԹ
Քաղաքականություն
31.07.2019 | 18:00
Factor.am-ի հարցազրույցը ՀՀ ԱԺ «Իմ քայլը» խմբակցության պատգամավոր, տնտեսական հարցերի մշտական հանձնաժողովի անդամ Գևորգ Պապոյանի հետ
– Պարո՛ն Պապոյան, երեկ հայտնի դարձավ, որ դատավոր Դավիթ Գրիգորյանին մեղադրանք է առաջադրվել պաշտոնեական կեղծիք կատարելու համար: Նրա պաշտպանը պնդում է, որ այդ ամենն ուղիղ կապ ունի Ռոբերտ Քոչարյանի գործով կայացված որոշումների հետ։ Որպես իշխող թիմի անդամ՝ նման պնդումներին ինչպե՞ս կարձագանքեք:
– Բացառում եմ նոր Հայաստանում հին բարքերի առկայություն։ Իհարկե՝ հասկանալի է, որ Հայաստանում կան մարդիկ որոնք, այսպես ասած, ամեն ինչ իրենց արշինով և տրամաբանությամբ են հաշվարկում, բայց նոր Հայաստանում, ինչպես հայտարարել է վարչապետը, դատական գործընթացներին չեն միջամտելու, դատավորներին չեն զանգելու և, բնականաբար, որևէ կապ չունի Քոչարյանի հետ: Ավելին ասեմ՝ այս գործի նախապատմությունը փետրվարից է սկսվել։
– Բովանդակության մասին չէ խոսքը…
– Փետրվարին խոսք չկար այն մասին, որ այդ դատավորը Քոչարյանին ազատ արձակելու որոշում կկայացնի: Այսինքն՝ ասել, թե Քոչարյանի գործի հետ կապ ունի, իրականության հետ կապ չունի։ Քաղաքացին բողոք է ներկայացրել, իսկ իրավապահները պարտավոր էին ընթացք տալ։
– Բայց այն ժամանակ կարճվել էր գործը։
– Այո՛, բայց այժմ էլ իրավապահներն ասում են՝ նոր հանգամանքներ են ի հայտ եկել: Ես պատճառ չունեմ մեր իրավապահներին չվստահելու։
– Ձեր գործընկերները մեր տաղավարում նշել են, որ ԱԺ նստաշրջանը հենց մեկնարկի, Սահմանադրական դատարանի և Հրայրն Թովմասյանի հարցը կդառնա քննարկման առարկա։ Ի՞նչ եք պատրաստվում անել, քննարկել ուղիներ, թե ինչպե՞ս է պետք հասնել Հրայր Թովմասյանի հրաժարականին։
– Գիտեք՝ այստեղ խնդիրն ինչն է, մարդը, որը ՀՀԿ պատգամավոր է եղել, ՍԴ անդամ դառնալուց մեկ շաբաթ առաջ ձևական դիմում է գրել, որ սառեցնում է իր անդամակցությունը ՀՀԿ-ին։ Գուցե թղթի վրա ամեն ինչ նորմալ է, բայց ակնհայտ է, որ ՍԴ-ի անդամին ներկայացվող պահանջների մեջ սա շատ կարևոր նշանակություն պետք է ունենա։ Այսինքն՝ մարդը պետք է լինի անաչառ, վստահելի և, ըստ էության, Հրայր Թովմասյանն իր գործողություններով ապացուցում է, որ այդպիսին չէ։ Ի դեպ՝ նախկին իշխանություններն էլ չեն թաքցնում՝ իրենց հույսը Հրայր Թովմասյանն է ու Սահմանադրական դատարանը։
Հարցազրույցն ամբողջությամբ՝ տեսանյութում։
Շողիկ Գալստյան
