15.01.2026 | 10:05
Դավիթ Հարությունյանի գործով նիստը ԲԴԽ-ում՝ ՈՒՂԻՂ
Բրիտանիան ԵՄ-ից դուրս կգա սահմանված ժամկետում՝ գործարքով կամ առանց դրա
Քաղաքականություն
31.07.2019 | 11:48
Brexit-ի հարցերով Մեծ Բրիտանիայի նախարար Սթիվեն Բարքլին հայտարարել է, որ թագավորությունը Եվրամիությունը կլքի հոկտեմբերի 31-ին՝ անկախ այն բանից՝ կողմերին կհաջողվի՞ հասնել համաձայնության, թե՞ ոչ, գրում է ՌԻԱ Նովոստին:
Բարքլին նշել է, որ Brexit-ի հարցերով ԵՄ-ից գլխավոր բանակցող Միշել Բարնյեի հետ զրույցում հստակ հայտնել է այս դիրքորոշումը:
«Ես այսօր խոսել եմ Միշել Բարնյեի հետ և հստակ ներկայացրել մեր դիրքորոշումը. մենք ուզում ենք այդ գործարքը, բայց հոկտեմբերի 31-ին դուրս կգանք ԵՄ-ից՝ գործարքով կամ առանց դրա»,- Twitter-ում գրել է նախարարը:
Նա նշել է, որ Brexit-ի հարցերով երկու նոր հանձնաժողովներն արդեն աշխատում են, և հիմա Միացյալ Թագավորությունը նոր մոտեցում ունի գործարքի բանակցությունների հարցով ու պատրաստ է լքել ԵՄ-ն:
Մեծ Բրիտանիայի վարչապետ Թերեզա Մեյը, հիշեցնենք, հեռացավ պաշտոնից, քանի որ չկարողացավ հաղթահարել Brexit-ի հետ կապված խնդիրներն ու միավորել պահպանողականներին: Թագավորության նոր վարչապետ դարձավ Բորիս Ջոնսոնը: Վերջինը խոստացել է ցանկացած դեպքում հոկտեմբերի 31-ին երկիրը դուրս բերել ԵՄ-ից, բայց Միության հետ «նոր գործընկերություն» ձևավորել:
