15.12.2025 | 11:02
Պապիկյանն Աժ-ում է․ արտահերթ նիստ Պաշտպանության և անվտանգության հարցերի մշտական հանձնաժողովում․ ՈՒՂԻՂ
Հայաստան-Ճապոնիա համագործակցությունը կխորացվի համատեղ բնապահպանական ծրագրերով
30.07.2019 | 20:35
Համատեղ բնապահպանական ծրագրերով կխորացվի Հայաստան-Ճապոնիա համագործակցությունը. Տեղեկացնում է Շրջակա միջավայրի նախարարի մամուլի քարտուղար` Արմեն Վարդանյանը:
Նա, մասնավորպես, գրել է, որ Սևանա լճի էկոլոգիական հավասարակշռության վերականգնման և բնապահպանական այլ խնդիրների լուծման ուղղությամբ համագործակցության հարցերն են քննարկել Շրջակա միջավայրի նախարար Էրիկ Գրիգորյանը և Ճապոնիայի արտակարգ և լիազոր դեսպան Ջուն Յամադան։
Դեսպանը ներկայացրել է Ճապոնիայի Բիվա (Biwa) լճում ժամանակին դիտարկված ծաղկման երևույթի հաղթահարման դեպքը և առաջարկել Հայաստանի հետ կիսվել խնդրի լուծման՝ ճապոնացի մասնագետների փորձով։
Շրջակա միջավայրի նախարարը անդրադարձել է նաև մոնիթորինգի համակարգի կատարելագործման, սնդիկի կիրառության նվազեցման, անտառների կառավարման և բնապահպանական մի շարք այլ հարցերի լուծմանն ուղղված երկու երկրների համագործակցությանը՝ կարևորելով ինչպես ընթացիկ ծրագրերի արդյունավետ իրականացումը, այնպես էլ նոր ծրագրերի մեկնարկը։
Դեսպան Ջուն Յամադան պատրաստակամություն է հայտնել գործուն աջակցություն ցուցաբերել շրջակա միջավայրի պահպանության հարցերում երկու երկրների համատեղ ծրագրերի իրականացմանը։
