02.09.2026 | 13:35
US Open. 40-ամյա Գաել Մոնֆիսն ուշագրավ ցուցանիշ է գրանցել իր ծննդյան տարեդարձի օրը. ՏԵՍԱՆՅՈՒԹ
Գրիգորի Կարասինը հեռանում է պաշտոնից
Քաղաքականություն
30.07.2019 | 16:00
Ռուսաստանի Արտաքին գործերի փոխնախարար Գրիգորի Կարասինը հեռանում է պաշտոնից. գրում է aliq.ge-ն:
Պատճառը նրա տարիքն է: Կարասինը օգոստոսի 23-ին կդառնա 70 տարեկան և գործադիր իշխանությունում գտնվելու իրավունք չունի: Նա կտեղափոխվի Ռուսաստանի խորհրդարանի վերին պալատ:
Արտաքին գործերի նախարարությունում նա վերահսկում էր ամենակարևոր և միևնույն ժամանակ խնդրահարույց ուղղություններից մեկը, որոնցում ներառված էին Ուկրաինան, Բելառուսը, Մոլդովան, Վրաստանը, Հայաստանը և Ադրբեջանը, ներառյալ հակամարտության գոտիները:
Հատկանշական է, որ Կարասինի հրաժարականից հետո փոխվելու է Աբաշիձե-Կարասին ձևաչափը: Այս թեմայի վերաբերյալ Վրաստանի վարչապետի հատուկ ներկայացուցիչ Զուրաբ Աբաշիձեն հայտարարել է, որ մեկնաբանություն կանի այն բանից հետո, երբ պաշտոնապես հայտնի կդառնա Գրիգորի Կարասինին փոխարինողի անունը:
Նշենք, որ այդ պաշտոնի հավանական թեկնածուների թվում նշվում է Հայաստանում ՌԴ նախկին դեսպան (2013-2018թթ.) Իվան Վոլինկինի անունը:
