21.12.2025 | 14:30
ԱՄՆ-ն կրկին գրավել է վենեսուելական նավթ տեղափոխող տանկերը
Երեկ Սևանա լճի ափամերձ տարածքների այցելությունների թիվը կազմել է ավելի քան 100 հազար մարդ. Նիկոլ Փաշինյան
29.07.2019 | 14:32
ՀՀ վարչապետ Նիկոլ Փաշինյանը ֆեյսբուքյան իր էջում գրառում է կատարել, որով ներկայացրել է ՀՀ պետական մարմինների տվյալները՝ երեկ Սևան այցելությունների թվի հետ կապված:
«ՀՀ պետական մարմինների տվյալներով՝ երեկ Սևանա լճի ափամերձ տարածքների այցելությունների թիվը կազմել է ավելի քան 100 հազար մարդ:
ՀՀ քաղաքացիների խաղաղ կյանքի իրավունքը առաջին հերթին ապահովում են Հայաստանի Զինված ուժերը, այդ թվում սեփական կյանքի գնով: Փառք Հայոց բանակին»,- գրել է վարչապետը:
Ի դեպ, արձակուրդում գտնվող ՀՀ վարչապետը նախօրեին Սևանից նկար էր հրապարակել՝ նշելով, որ Վարդավառը ինքը նույնպես Սևանա լճում է անցկացրել, որով, թերևս ազդարարել էր, որ Սևանա լճում լողալն անվտանգ է:
Հիշեցնենք, որ հուլիսի 15-ին Սևանա լճի «ծաղկելու» առնչությամբ Սևանա լճի ափամերձ շինությունների սեփականատերերը Սևանի քաղաքապետարանի դիմաց բողոքի ակցիա էին անցկացրել՝ հայտարարելով, որ հանգստի սեզոնին կրել են մեծ վնասներ, քանի որ մարդիկ վախենում են ջրում լողալ ու նախընտրում են իրենց հանգիստն անցկացնել այլ վայրերում։ Տնտեսվարողները նաև պահանջել էին, որ Գեղարքունիքի մարզպետն ու այլ պաշտոնյաներ անձամբ լողան լճում՝ ապացուցելով, որ այն անվտանգ է, ինչն էլ ավելի ուշ իրականություն դարձավ։
