05.08.2026 | 21:40
Երևանում և 3 մարզի մի շարք հասցեներում գազանջատումներ կլինեն
Ցխինվալին իր անկախությունը ճանաչելու կոչով դիմել է Իտալիային
Քաղաքականություն
29.07.2019 | 14:58
Ցխինվալին դիմել է Իտալիայի իշխանություններին Հարավային Օսիան որպես անկախ հանրապետություն ճանաչելու խնդրանքով: Այս մասին հայտարարել է Իտալիայում Վրաստանի կողմից չվերահսկվող Հարավային Օսիայի ներկայացուցիչը. գրում է aliq.ge-ն:
«Կարծում ենք եկել է ժամանակը, որ Իտալիան այժմյան իշխանությունների անունից Հարավային Օսիան ճանաչի որպես անկախ հանրապետություն»,- ասել է Մաուրո Մուրջան:
Նրա խոսքով, Իտալիայի կողմից Հարավային Օսիայի անկախության ճանաչումը կվերականգնի խաղաղ համակեցության ավանդույթը և ժողովրդի իրավունքը` ինքնուրույն որոշել իր ապագան:
2008 թվականի օգոստոսյան պատերազմից հետո Ռուսաստանը ճանաչել է Հարավային Օսիայի եւ Աբխազիայի անկախությունը:
Ռուսաստանի միջնորդությամբ Հարավային Օսիան և Աբխազիայի անկախությունը ճանաչել են Նիկարագուան, Վենեսուելան, խաղաղօվկիանոսյան Նաուրու կղզին և վերջերս նաև պատերազմական վիճակում գտնվող Սիրիան։
