08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ոչ մրցակցային գնումների աճը խիստ մտահոգիչ է. Արմենուհի Բուռնազյան․ ՏԵՍԱՆՅՈՒԹ
Տնտեսություն
29.07.2019 | 13:30
2018 թվականի առաջին կիսամյակում 149 միլիարդ դրամի պետական գնում է իրականացվել, մինչդեռ 2019 թվականի նույն ժամանակահատվածում այդ թիվը կազմել է 143 միլիարդ: «Պետական գնումների միտումները 2018-2019 թթ. երկրորդ եռամսյակում» թեմայով քննարկման ժամանակ Հանրային քաղաքականության հետազոտությունների ազգային կենտրոն» ՀԿ-ի գործադիր տնօրեն Արմենուհի Բուռնազյանն ասաց՝ սա փաստում է, որ 2019 թվականին, նախորդ տարվա նույն ժամանակահատվածի հետ համեմատ, ունեցել ենք 6 միլիարդ դրամի խնայողություն։
«Եթե նայում ենք եռամսյակային տվյալները, ապա տեսնում ենք, որ 2019 թվականին ծախսվել է 120 միլիարդ դրամ, մինչդեռ 2018 թվականի առաջին եռամսյակում՝ 103 միլիարդ դրամ: Բայց երբ նայում ենք երկրորդ եռամսյակային տվյալները, տեսնում ենք, որ 2019 թվականի երկրորդ եռամսյակում ծախսվել է ընդամենը 23 միլիարդ դրամ, իսկ 2018 թվականին՝ դրանից 23 միլիարդ դրամով ավելի գումար»,- ասաց նա։
Բուռնազյանը ներկայացրեց նաև մեկ անձից կատարված պետական գնումների վիճակագրության կիսամյակային տվյալները։
«2019 թ. առաջին կիսամյակի տվյալներով՝ ոչ մրցակցային գնումները կազմել են 71%, ինչը բավական խոշոր մասնաբաժին է, մինչդեռ 2018 թվականի առաջին կիսամյակում այն կազմել է 55%: Ոչ մրցակցային գնումների այս աճը խիստ մտահոգիչ է»,- ասաց Արմենուհի Բուռնազյանը:
Մանրամասները՝ տեսանյութում։
Աղավնի Սուքիասյան
