10.01.2025 | 23:14
ՊԵԿ նախագահն ընդունել է Հնդկաստանի դեսպանին
Այս գործն ունի այնքան կյանք, որքան քաղաքական կյանք ունեն այս իշխանությունները. Վիկտոր Սողոմոնյանը՝ Քոչարյանի գործի մասին. ՏԵՍԱՆՅՈՒԹ
Քաղաքականություն
29.07.2019 | 12:29
Ռոբերտ Քոչարյանը հարցաքննության է հրավիրվել որպես վկա, և ես չեմ կարծում, որ վերջին երեք օրում ինչ-որ ապացույց է ձեռք բերվել, որը ստիպել է վկայի կարգավիճակը մի վայրկյանում փոխել: Այսօր հրավիրված ասուլիսում այս մասին ասաց ՀՀ երկրորդ նախագահի գրասենյակի ղեկավար Վիկտոր Սողոմոնյանը:
«Մեղադրանք է առաջադրվել նախագահ Քոչարյանին արարքի համար, որը կատարման պահին հանցագործություն չի հանդիսացել: Հանրահայտ Հրաչ-Վաչեն «ուզեր-չուզեր» կալանավորել է Ռոբերտ Քոչարյանին՝ անտեսելով նրա անձեռնմխելիությունը և կալանավորման մյուս պայմանների բացակայությունը: Դուք, երևի, լսել եք մեր պաշտպանական թիմից, որ նախագահը կալանավորվել է, փաստորեն, մի ցուցմունքի հիման վրա, որը գործում հերքվել է 14 այլ ցուցմունքներով»,- ասաց Սողոմոնյանը:
Վիկտոր Սողոմոնյանի խոսքով՝ «այս գործն ունի ճիշտ այնքան կյանք, որքան քաղաքական կյանք ունեն այս իշխանությունները, ու որքան նրանք կարողանում են այս գործը բռնի ուժով առաջ տանել»:
Մանրամասները՝ տեսանյութում:
