07.03.2026 | 16:00
Իրանն այսօր շատ ծանր հարված կստանա․ Թրամփ
Ինչպե՞ս այդ կապը չտեսնեմ. Վիկտոր Սողոմոնյանը՝ դատավոր Դավիթ Գրիգորյանի լիազորությունների կասեցման և Քոչարյանի գործի մասին. ՏԵՍԱՆՅՈՒԹ
Քաղաքականություն
29.07.2019 | 12:46
ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը կապ է տեսնում դատավոր Դավիթ Գրիգորյանի լիազորությունների կասեցման և Քոչարյանին կալանքից ազատելու վերաբերյալ նրա կայացրած որոշման մեջ:
«Իհարկե՝ կապ կա: Մեր պաշտպանական թիմը դիմում է գրավի միջնորդությամբ, հաջորդ օրը գալիս, նրա գրասենյակը խուզարկում են: Վերաբացում են մի գործ, որը կասեցված է եղել վեց ամիս առաջ: Հիմա ինչպե՞ս ես այդ կապը չտեսնեմ»,- այսօր հրավիրած ասուլիսում լրագրողի հարցին ի պատասխան՝ ասաց Սողոմոնյանը:
Նա հիշեցրեց նաև առաջին անգամ Ռոբերտ Քոչարյանին կալանքից ազատելու որոշում կայացրած դատավոր Ալեքսանդր Ազարյանի մասին. «Ազարյանի դիսերտացիան սկսեցին ստուգել: Պարզվեց՝ ամբողջ աշխարհը դիսերտացիաները ճիշտ է գրել, Ազարյանն ինչ-որ տեղից արտագրել է»:
Դատավոր Դավիթ Գրիգորյանի հետ կապված իրադարձությունները Վիկտոր Սողոմոնյանը «պետության վրա խարան» որակեց: «Հիմա այս խարանը երբ կհաղթահարենք, ես չգիտեմ, բայց որ սա ուղիղ կապակցված է… Դատարանների վեթինգը ե՞րբ որոշեցին անել, երբ Քոչարյանն ազատ արձակվեց: Ե՞րբ որոշեցին Սահմանադրական դատարանը փոխել, երբ գործը գնաց ՍԴ: Էլ ի՞նչ անեն այս մարդիկ, որ ապացուցեն, որ ամբողջը Քոչարյանի գործի շուրջ է պտտվում»,- ասաց նախկին նախագահի գրասենյակի ղեկավարը:
Մանրամասները՝ տեսանյութում:
