29.04.2026 | 11:47
ՊՍԺ-ն ու «Բավարիան» ՉԼ-ի ռեկորդ են սահմանել, Նոյերը հակառեկորդ է կրկնել
Մովսես Հակոբյանն՝ իր հնարավոր պաշտոնանկության մասին
Քաղաքականություն
18.09.2017 | 12:28
ՀՀ ԶՈւ գլխավոր շտաբի պետ Մովսես Հակոբյանը, ըստ էության, հերքում է իր հնարավոր պաշտոնանկության մասին մամուլում շրջանառվող լուրերը: Հայաստան-Սփյուռք 6-րդ համաժողովին մասնակցելու նպատակով Կարեն Դեմիրճյանի անվան մարզահամերգային համալիր ժամանած Մովսես Հակոբյանը լրագրողների հարցերին ի պատասխան վստահեցրեց՝ իր պաշտոնանկության հարցը նախարարությունում չի քննարկվել:
Հարցին՝ շարունակելո՞ւ եք մնալ ՊՆ-ում, նա պատասխանեց. «Ես չեմ որոշում»:
Անդրադառնալով ՆԱՏՕ-ի զորավարժություններին Հայաստանի չմասնակցելու վերաբերյալ հարցին, ՀՀ ԶՈւ գլխավոր շտաբի պետն արձագանքեց. «Ըստ ձեզ, ես ձեր հարցին պետք է պատասխանե՞մ: Նախարարը մեկնաբանել է և մեկնաբանել է այնպես ինչպես պլանավորված է եղել մեր պլանների մեջ, այդպես էլ մենք կատարել ենք»:
Հստակեցնող հարցին՝ բացառո՞ւմ է ՀԱՊԿ-ի դերն այդ հարցում, Մովսես Հակոբյանը պատասխանեց. «Իհարկե՝ բացառում եմ»: Վերջինս նշեց նաև, որ ՀԱՊԿ-ի կողմից ճնշումներ չեն եղել:
Մանրամասները՝ տեսանյութում:
Շողիկ Գալստյան
