14.12.2024 | 11:55
Ծանրամարտի ԱԱ․ Հայաստանն այսօր ունի երեք ներկայացուցիչ
Համաքաղաքային ուրախ Վարդավառ Գյումրիում․ ջրեցին ու ջրվեցին բոլորը, այդ թվում՝ քաղաքապետը. ԼՈՒՍԱՆԿԱՐՆԵՐ
Հասարակություն
28.07.2019 | 15:31
Այսօր վաղ առավոտից Գյումրիում տոնական եռուզեռ է։ Փոքրից մեծ նշում են Վարդավառը։ Տոնի մեկնարկը նախ տրվեց Գյումրիի արձանների լվացմամբ ու մաքրմամբ, ապա բուն տոնը սկսվեց Վարդանանց հրապարակում։
Ի դեպ՝ առաջին ջրվողներից մեկն էլ Գյումրու քաղաքապետ Սամվել Բալասանյանն էր։
Վարդանանց հրապարակում իսկական տոն էր։ Գյումրիում Վարդավառն իր շուրջն էր համախմբել քաղաքի բնակիչներին, Հայաստանի տարբեր վայրերից ժամանած հյուրերին ու օտարերկրյա զբոսաշրջիկներին։ Մասնակիցներին էլ ջրով էին ապահովում քաղաքապետարանի ջրցան ու ԱԻՆ մեքենաները։
Վարդավառը Գյումրիում նշելու գաղափարը գյումրեցի պրոդյուսեր Ռուբեն Մխիթարյանին է։ Նրա միջոցով համացանցում մեծ տարածում գտավ «Տարբերեք թացը չորից։ Ճիշտը թացն է, նշենք Վարդավառը Գյումրիում» մարտահրավերը, որին սկսեցին միանալ տարբեր հայ հայտնիներ՝ Վարդավառը Գյումրիում անցկացնելու կոչով։
«Դե ինչ, կարծում եմ այս տարի դուք ուղղակի պարտավոր եք գալ Գյումրի և հենց այստեղ նշել Վարդավառը: Սպասում եմ ձեր հոլովակներին և իհարկե ներկայությանը Գյումրիում: Նկարահանեք ձեր ԹԱՑ/ՀՈԼՈՎԱԿԸ և նշեք այն մարդկանց, ում կուզենայիք տեսնել և ջրել Գյումրիում: Եկեք Վարդավառին բոլորովս ապահովենք Գյումրիի սպասարկման ոլորտի ՏՆՏԵՍԱԿԱՆ ԲՈՒՄԸ»,- հոլովակներին կից գրել են մարտահրավերի մասնակիցները։
Արդյունքում էլ այս տարի Գյումրին դարձավ Վարդավառի տոնակատարությունների էպիկենտրոնը՝ բոլորին համախմբելով իր շուրջը։
Նշենք, որ օրվա ընթացքում սպասվում են տարբեր միջոցառումներ, այդ թվում ձեռագործ աշխատանքների տոնավաճառ։
Էմմա Չոբանյան
