15.01.2026 | 11:52
Թրամփը հայտարարել է, որ Իրանում մահապատիժները դադարեցվել են. իրավապաշտպանները հայտնում են ավելի քան 3400 զոհի մասին
«Վարդավառը՝ Սևանա լճում». Փաշինյանը լուսանկար է հրապարակել. ԼՈՒՍԱՆԿԱՐ
28.07.2019 | 15:09
«Վարդավառը՝ Սևանա լճում»,- ֆեյսբուքի իր էջում գրառում է կատարել ՀՀ վարչապետ Նիկոլ Փաշինյանն ու լուսանկար հրապարակել:
Նշենք, որ Հայ առաքելական եկեղեցին այսօր նշում է իր հինգ տաղավար տոներից մեկը՝ Քրիստոսի պայծառակերպության տոնը, որը ժողովրդի մեջ առավել հայտնի է Վարդավառ անվամբ:
Եթե անցյալ տարի տոնը հիշարժան էր մայրաքաղաքի սրտում կազմակերպված միջոցառմամբ, ապա այս տարի Վարդավառի գլխավոր միջոցառումը «գործուղել» էին Գյումրի: Ու գյումրեցիներն իրենց հատուկ հումորով՝ «Տարբերեք թացը չորից. ճիշտը թացն է, նշենք Վարդավառը Գյումրիում» կարգախոսով բոլորին հրավիրել էին թրջվելու:
Ի դեպ, նկատենք նաև, որ վարչապետն իր այս լուսանկարը հրապարակելով թերևս ազդարարել է, որ Սևանա լճում լողալն անվտանգ է:
Հիշեցնենք, որ հուլիսի 15-ին Սևանա լճի «ծաղկելու» առնչությամբ Սևանա լճի ափամերձ շինությունների սեփականատերերը Սևանի քաղաքապետարանի դիմաց բողոքի ակցիա էին անցկացրել՝ հայտարարելով, որ հանգստի սեզոնին կրել են մեծ վնասներ, քանի որ մարդիկ վախենում են ջրում լողալ ու նախընտրում են իրենց հանգիստն անցկացնել այլ վայրերում։ Տնտեսվարողները նաև պահանջել էին, որ Գեղարքունիքի մարզպետն ու այլ պաշտոնյաներ անձամբ լողան լճում՝ ապացուցելով, որ այն անվտանգ է, ինչն էլ ավելի ուշ իրականություն դարձավ։
