16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Տավուշում պայմանագրային զինծառայող է վիրավորվել
Քաղաքականություն
27.07.2019 | 13:13
Հայ-ադրբեջանական սահմանին հակառակորդի կողմից հրադադարի ռեժիմը խախտելու հետևանքով պայմանագրային զինծառայող է վիրավորվել: Այս մասին տեղեկացնում է ՀՀ ՊՆ մամուլի ծառայությունը:
Դեպքը տեղի է ունեցել այսօր՝ հուլիսի 27-ին, ժամը 11.00-ի սահմաններում, ՀՀ պետական սահմանի հյուսիսարևելյան հատվածում՝ Տավուշի մարզում:
Հակառակորդի կողմից հրադադարի հերթական խախտման արդյունքում հրազենային վիրավորում է ստացել մարտական հերթապահություն իրականացնող ՀՀ ԶՈՒ պայմանագրային զինծառայող: Վիրավոր զինծառայողի կյանքին վտանգ չի սպառնում:
«Ադրբեջանական կողմի ձեռնարկած հերթական սադրիչ գործողությունը ևս մեկ անգամ փաստում է, որ հակառակորդը շարունակում է բացահայտ կերպով խախտել հրադադարի պահպանման ռեժիմը և նպատակաուղղված շարունակում է սրել իրավիճակը սահմանագոտում: Իրավիճակի լարման ամբողջ պատասխանատվությունը կրում է ադրբեջանական կողմը»,- հայտարարել են ՀՀ ՊՆ-ում:
