08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ադրբեջանում վստահ են, որ Հայաստանի հետ ռազմական գործողությունների դեպքում Թուրքիան գործի կդնի իր S-400-ները
Քաղաքականություն
26.07.2019 | 15:33
Թուրքիան կարող է գործի դնել S-400 զենիթահրթիռային համալիրները՝ Ադրբեջանի և Հայաստանի միջև մարտական գործողությունների վերսկսման դեպքում: Ադրբեջանական Minval.az-ի հետ զրույցում նման կարծիք է հայտնել ռազմական փորձագետ Աբուզեր Աբիլովը:
«Բնականաբար, այդ համակարգերը մեզ օգնության կգան: Բայց եկեք պարզաբանենք. մենք էլ S-300-ներ ունենք, որոնք թուրքական S-400-ներից ոչնչով վատ չեն, դրանց տարբերությունն այնքան էլ մեծ չէ: Երկրի ամբողջ երկինքը պաշտպանված է, քանի որ մենք ոչ միայն S-300-ներ ունենք, այլև իսրայելական և բելառուսական սպառազինություն, ռուսական այլ համակարգեր: Մենք հավատում ենք, որ երբ ռազմական գործողությունները վերսկսվեն, թուրքական կողմն ուս-ուսի կկանգնի Ադրբեջանի կողքին»,- ասել է Աբիլովը:
Հարցին՝ նշված համալիրներն արդյո՞ք ավելի ուժեղ են Հայաստանի սպառազինությունում առկա «Իսկանդեր»-ներից, ադրբեջանցի փորձագետը պատասխանել է. ««Իսկանդեր»-ը օպերատիվ տակտիկական հրթիռ է, որը, ի դեպ, այնքան էլ վտանգավոր չէ, որքան փորձում են այն ներկայացնել: Այն ատոմային սպառազինություն չէ, որպեսզի Ադրբեջանի կեսը ոչնչացնելու ունակ մահացու զենք ներկայացնենք»:
