18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Վարդավառի կապակցությամբ մի շարք փողոցներ կփակվեն, ԱԺ-ում միջոցառումը կմեկնարկի գորգերի լվացման արարողությամբ
26.07.2019 | 13:53
ՀՀ ոստիկանությունից հայտնում են, որ Վարդավառի տոնի կապակցությամբ՝ սույն թվականի հուլիսի 28-ին՝ ժամը 06:00-ից մինչև 20:00-ն, տրանսպորտային միջոցների երթևեկության համար փակ է լինելու Երևան քաղաքի Բաղրամյան պողոտայի Պռոշյան փողոցի խաչմերուկից մինչև Մոսկովյան փողոցի խաչմերուկն ընկած հատվածը:
Նշենք, որ հուլիսի 28-ին՝ ժամը 10:00-ից, Ազգային ժողովի այգում եւ Բաղրամյան պողոտայում կազմակերպվելու է Վարդավառի տոնի առթիվ միջոցառում:
Միջոցառումը կսկսվի Բաղրամյան պողոտայում գորգերի լվացման արարողությամբ, այնուհետեւ կմեկնարկի Վարդավառը:
Ազգային ժողովի այգում ողջ օրվա ընթացքում կցուցադրվեն «Թուֆենկյան գորգ», «Մեգերյան կարպետ» եւ Հայկական գորգի ազգային կենտրոնի ներկայացրած հայկական ձեռագործ գորգեր:
Նախատեսված են գորգագործության վարպետաց դասեր, գորգերի մասին զրույց, քվեսթային խաղ:
Միջոցառումը կեզրափակվի «Միքայել Ոսկանյան եւ ընկերներ» երաժշտական խմբի համերգով:
