08.11.2026 | 11:13
FT. ԱՄՆ Կոնգրեսի դեմոկրատները Ուկրաինային 15 մլրդ դոլարի օգնության փաթեթ են պատրաստում
Լոռու մարզում բեռնատարն ամբողջությամբ այրվել է. կա տուժած
25.07.2019 | 22:36
Հուլիսի 25-ին` ժամը 16:39-ին, 911 ծառայությանն ահազանգ է ստացվել, որ Լոռու մարզի Չկալով գյուղի վերջնամասում այրվում է անասնակերով բեռնված ավտոմեքենա:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ և մարզային փրկարարական վարչության օպերատիվ խումբը:
Պարզվել է, որ Չկալով գյուղի 3-րդ փողոցի տներից մեկին հարակից տարածքում այրվում է «ԳԱԶ 53» մակնիշի բեռնատարը (անասնակերով բեռնված). կա տուժած:
Մինչ փրկարարների՝ կանչի վայր հասնելը տուժած Ն.Մ.-ն քաղաքացիների ուժերով տեղափոխվել է Վանաձորի ԲԿ, այնուհետև ստանալով համապատասխան բուժօգնություն՝ դուրս է գրվել:
Հրդեհը մեկուսացվել է ժամը 17:40-ին, մարվել՝ 18:31-ին։ Այրվել է ավտոմեքենան՝ ամբողջությամբ և մոտ 200 հակ անասնակեր:
