19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Թրամփը սենատորներին համոզել է հետաձգել Թուրքիայի դեմ պատժամիջոցները
Քաղաքականություն
25.07.2019 | 15:12
Թուրքական մամուլին որոշ մանրամասներ են հայտնի դարձել ԱՄՆ նախագահ Դոնալդ Թրամփի և «Հանրապետական» կուսակցության 45 սենատորների մասնակցությամբ կայացած հանդիպումից:
Նախօրեին տեղեկություն էր տարածվել, որ Թրամփը սենատորների հետ քննարկել է ռուսական S-400 ՀՕՊ համակարգեր գնելու պատճառով Թուրքիայի դեմ պատժամիջոցներ կիրառելու հարցը: Հանդիպումը տևել է շուրջ 1.5 ժամ:
Հանրապետական սենատորների մեծ մասը պահանջել է անհապաղ կիրառել Թուրքիայի դեմ առաջարկվող պատժամիջոցները: Մինչդեռ Թրամփը, ըստ թուրքական աղբյուրի, մի փոքր ժամանակ է խնդրել: Նա փորձել է համոզել սենատորներին, որ արժե մի փոքր սպասել և պատժամիջոցներ կիրառելու փոխարեն փորձել համաձայնության գալ Էրդողանի հետ:
ԱՄՆ նախագահը սենատորներին նաև ճկունության կոչ է արել Թուրքիայի հետ հարաբերություններում:
