15.01.2026 | 14:00
ՌԴ-ն վտարում է Բրիտանիայի դեսպանատան աշխատակցի. նրան մեղադրում են բրիտանական հատուկ ծառայությունների համար գաղտնի աշխատելու մեջ
ՊՆ-ից՝ ԵԿՄ-ին․ Կառավարությունը 70 մլն արժեքով գույք նվիրաբերեց եռասերունդ ուսումնամարզական ճամբարին
Քաղաքականություն
25.07.2019 | 12:39
ՀՀ կառավարության հուլիսի 25-ի նիստի օրակարգի չզեկուցվող հարցերից մեկով Երկրապահ կամավորականների միությանը անհատույց գույք նվիրաբերվեց՝ ժամանակավոր օգտագործման իրավունքով։
Նվիրաբերվող գույքը 70 մլն 310 հազար դրամ արժեքով խոհանոցային ու անկողնային պարագաներ են։
Ըստ որոշման նախագծի՝ ՀՀ զինված ուժերի անձնակազմի կերակրման կազմակերպումն իրականացվում է ՀՀ կառավարության 2015 թ.-ի որոշմամբ հաստատված չափաքանակների շրջանակում, որով նախատեսված չէ ԵԿՄ եռասերունդ ուսումնամարզական ճամբարի անձնակազմին ապահովել պարենային միջոցներով՝ պետական բյուջեի հաշվին: Միաժամանակ, ԵԿՄ եռասերունդ ուսումնամարզական ճամբարի անձնակազմին սննդամթերքով, սպասքով, գույքով, տեխնիկական և տնտեսական միջոցներով ապահովելու համար ՀՀ ՊՆ ծախսային ծրագրերով պլանավորում չի իրականացվել:
ԵԿՄ վարչության անդամների, ինչպես նաև եռասերունդ ուսումնամարզական ճամբարներում ներգրավված անձնակազմի համար իրային ապահովման սահմանված չափաքանակներ նույնպես չկան, այդ պատճառով ԵԿՄ եռասերունդ ուսումնամարզական ճամբարի կազմակերպմանը աջակցելու և գործունեության արդյունավետությունը բարձրացնելու նպատակով կառավարության որոշմամբ կթույլատրվի ՀՀ պաշտպանության նախարարությանը՝ «Երկրապահ կամավորականների միություն» հասարակական կազմակերպությանը նվիրաբերել այդ կազմակերպության փաստացի օգտագործմանը հանձնված գույքը։
Հիշեցնենք, որ ԵԿՄ վարչությունը 2019-ի ապրիլի 7-ին ԵԿՄ վարչության նիստ հրավիրվեց և վարչության նախագահի պաշտոնում միաձայն ընտրեց Սասուն Միքայելյանին։
Աղավնի Սուքիասյան
