02.09.2026 | 13:35
US Open. 40-ամյա Գաել Մոնֆիսն ուշագրավ ցուցանիշ է գրանցել իր ծննդյան տարեդարձի օրը. ՏԵՍԱՆՅՈՒԹ
Եվրոպական ներդրումային բանկն այս տարի Թուրքիային վարկեր չի տրամադրի
Քաղաքականություն
24.07.2019 | 21:18
Եվրոպական ներդրումային բանկը մինչև տարեվերջ Թուրքիայի պետական կառույցներին նոր վարկեր չի տրամադրի: Այդ ընթացքում կվերանայվի Թուրքիայի հետ հարաբերություններում բանկի որդեգրած մարտավարությունը. փոխանցում է ermenihaber.-ը:
Սա մի մասն է կազմում Կիպրոս կղզու հարակից ջրերում հորատման ապօրինի աշխատանքներ կատարելու պատճառով Եվրամիության կողմից Թուրքիայի դեմ հայտարարված պատժամիոջոցների:
«Որպես Եվրամիության բանկ՝ Եվրոպական ներդրումային բանկը կհետևի Եվրահանձնաժողովի խորհրդին և տարվա մնացած ժամանակահատվածում կսահմանափակի նոր պարտքեր տրամադրելու գործարքների հաստատման համար տնօրենների խորհրդին ներկայացնելու գործընթացները», -ասված է բանկի խոսնակի հայտարարությունում:
Եվրոպական ներդրումային բանկը Թուրքիային ամենից շատ վարկեր տրամադրող օտարերկրյա կազմակերպությունն է: Վերջին երեք տարում բանկի կողմից Թուրքիային տարեկան 0.4-ից 2.2 մլրդ եվրոյի սահմաններում ֆինանսավորում է տրամադրվել: Սակայն 2019-ից բանկը Թուրքիայում որևէ ներդրում չի արել:
