Հասարակություն
24.07.2019 | 19:11
Իրանի Չալդորան քաղաքն այս օրերին պատրաստվում է ընդունել աշխարհի տարբեր ծայրերից հայերի, որոնք ժամանելու են՝ մասնակցելու Սուրբ Թադեի վանք ուխտագնացության: Այս մասին գրում է ԻՌՆԱ-ն:
Այս տարի ուխտագնացությունը տեղի կունենա հուլիսի 25-27-ին: Արարողությունը կանցկացվի արդեն 65-րդ անգամ:
Իրանական կողմը կապահովի ուխտագնացների տեղավորումը, անհրաժեշտության դեպքում բժշկական ծառայություններ կմատուցի: Այս տարի կրոնական այս արարողությանն առնվազն 5.000 մարդու մասնակցություն է ակնկալվում:
Նշենք, որ Սուրբ Թադեի վանքը կառուցվել է 7-րդ դարում: Այն Իրանի հյուսիսային շրջանի ամենագեղեցիկ ճարտարապետական և հոգևոր կառույցներից է, որը գրավում է բազմաթիվ զբոսաշրջիկների:
