15.05.2026 | 22:08
ԵԱՀԿ ԺՀՄԻԳ-ի ներկայացուցիչների հետ քննարկվել են ընտրական գործընթացի և դիտորդական առաքելության գործունեության հարցեր
Իջևանում վիրավորում ստացած 8 ոստիկան ամբուլատոր բուժում է ստանում․ ոստիկանություն
Հասարակություն
23.07.2019 | 18:13
«Հուլիսի 17-ին Իջևանում ցուցարարների և ոստիկանների միջև տեղի ունեցած բախումների հետևանքով ոստիկանության հոսպիտալ տեղափոխված 8 ոստիկան շարունակում է գտնվել ամբուլատոր բուժման մեջ՝ ոստիկանության պոլիկլինիկայում»,-այս մասին Factor.am-ին հայտնեցին ոստիկանության լրատվության ծառայությունից։
Հարցին՝ իսկ hունիսի 17-ից Իջևանում հասարակական կարգի ապահովման նպատակով ծառայություն իրականացնող ոստիկանության զորքերն արդյոք վերադարձել են Երևան, ոստիկանության լրատվական ծառայությունից հայտնեցին.
«Այս պահին ոստիկանության զորքերից Տավուշի մարզում գտնվում են միայն սահմանային դիրքերը պահպանող ծառայողները»։
Հիշեցնեք, որ իջևանցիները ապօրինի ծառահատումների դեմ պայքարի խստացման հետ կապված իրենց դժգոհություններն արտահայտելու նպատակով փակել էին Հայաստան-Վրաստան միջպետական ճանապարհի մի հատվածը, ինչի հետևանքով բախումներ էին տեղի ունեցել ոստիկանների և ցուցարարների միջև։
Դեպքի առթիվ հարուցվել էր քրեական գործ։
Աղավնի Սուքիասյան
