15.01.2026 | 13:53
Ռուբեն Ռուբինյանն ընդունել է ՀՀ-ում դիվանագիտական առաքելությունն ավարտող ԱՄՆ դեսպանին
Մեծ Բրիտանիան նոր վարչապետ ունի
Քաղաքականություն
23.07.2019 | 15:44
Հայտնի է Մեծ Բրիտանիայի նոր վարչապետի անունը։ 92,153 ձայնով Պահպանողական կուսակցության առաջնորդի, հետևաբար՝ նաև երկրի վարչապետի պաշտոնում ընտրվել է Լոնդոնի նախկին քաղաքապետ և Մեծ Բրիտանիայի Ներքին գործերի նախարար Բորիս Ջոնսոնը։
Այս մասին հայտնում է BBC-ն։
Ընտրվելուց հետո նա հայտարարել է, որ իր առաջնահերթությունն ընդդիմության նկատմամբ հաղթանակն է և Բրեքսիթի իրագործումը՝ մինչև հոկտեմբերի 31-ը։
«Մեր նպատակը հաղթանակի հասնելն ու ԵՄ-ից դուրս գալն է»,- հայտարարել է Մեծ Բրիտանիայի նորընտիր վարչապետը։
Մեծ Բրիտանիայի նախկին վարչապետ Թերեզա Մեյն արդեն շնորհավորել է Ջոնսոնին՝ ընտրվելու կապակցությամբ։
Հիշեցնենք, որ Թերեզա Մեյը Պահպանողական կուսակցության առաջնորդի պաշտոնից հունիսին էր հեռացել, ինչի արդյունքում նա հրաժարվում էր նաև երկրի վարչապետի պաշտոնից։ Վաղը՝ օրվա երկրորդ կեսին, Մեյն արդեն կլքի վարչապետի պաշտոնը, ինչցի հետո այն կստանձնի Բորիս Ջոնսոնը։
Նելլի Մելքոնյան
