05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Հեռո՛ւ մնացեք Աստծուց. Գագիկ Մելիքյան
Հասարակություն
15.09.2017 | 18:40
«Հայաստանն աշխարհիկ պետություն է, բայց դա չի նշանակում, որ մենք հավատավոր ժողովուրդ չենք և չենք հավատում Աստծուն»,- Factor.am-ի հետ զրույցում հայտարարեց ԱԺ ՀՀԿ խմբակցության քարտուղար Գագիկ Մելիքյանը:
ՀՀԿ-ական պատգամավորը համամիտ է իր կուսակից էդուարդ Շարմազանովի հետ, որ պետք է հեռու մնալ եկեղեցուց, ավելին՝ պարոն Մելիքյանը հորդորում է «հեռու մնալ նաև Աստծուց»:
«Պետք է հեռու մնալ եկեղեցուց, չխառնել եկեղեցաշինությունը պետական գործընթացների հետ: Ես համոզված եմ, որ ցանկացած ներդրում այդ բնագավառում միմիայն դրականորեն կարող է ազդել մեր ժողովրդի մտածելակերպի վրա: Հեռո՛ւ մնացեք Աստծուց, Աստված է մեզ թելադրում իր կամքը»,- հորդորեց Հանրապետական պաշտոնյան:
Իսկ թե ինչպես կարող է եկեղեցաշինությունը դրական անդրադարձ ունենալ ժողովրդի մտածելակերպի վրա, Գագիկ Մելիքյանը բացատրեց. «Կարծում եմ՝ ժողովրդի մտածելակերպի մեջ բավականին լուրջ առաջընթաց տեղի կունենա: Մենք հավատավոր ժողովուրդ ենք, հավատում ենք Աստծուն և պարտավոր ենք հավատալ Աստծուն»:
Մանրամասները՝ տեսանյութում:
Շողիկ Գալստյան
