04.02.2026 | 18:25
Լեհաստանը կհետաքննի Էփշտեյնի կապերը ռուսական հատուկ ծառայությունների հետ
S-400-ների որոշ մասեր կարող են արտադրվել հենց Թուրքիայում
Քաղաքականություն
22.07.2019 | 22:13
Ռուսական արտադրության S-400 զենիթահրթիռային ՀՕՊ համակարգերի որոշ մասեր Թուրքիայում արտոնագրված կերպով արտադրելուն միտված հանդիպումներն ընթացքի մեջ են: Այս մասին հայտնել է Ռուսաստանի «Ռոստեխ» կորպորացիայի գլխավոր տնօրեն Սերգեյ Չեմեզովը Թուրքիայի պետական լրատվական գործակալությանը տված հարցազրույցում. փոխանցում է ermenihaber-ը:
Սերգեյ Չեմեզովը պատրաստակամություն է հայտնել Թուրքիայի հետ ընդլայնել համագործակցությունը մասնավորապես ավիացիայի, ուղղաթիռների արտադրության և էներգետիկայի ոլորտներում:
«Թուրքիայի պահանջով արագացրեցինք S-400-ների մատակարարումը, ինչն աշխարհում աննախադեպ երևույթ է: Համակարգերի առաջին մատակարարումը տեղի ունեցավ այս ամիս: Մենք ժամանակացույցին համապատասխան առաջ ենք շարժվում»,- ասել է կորպորացիայի տնօրենը:
Չեմեզովը նկատել է տվել, որ Թուրքիան և Ռուսաստանը տարբեր ծրագրեր են համատեղ իրականացնում: Ըստ նրա՝ Թուրքիայում հետաքրքրություն կա նաև ռուսական արտադրության տարբեր հեռահարության ՀՕՊ և հանկատանկային համակարգերի նկատմամբ:
