04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Ռազմական անակնկալներ են լինելու. Դավիթ Տոնոյանը՝ բանակը նոր սպառազինությամբ համալրելու մասին
Տնտեսություն
22.07.2019 | 14:47
Ռազմական անակնկալներ են լինելու: Այսօր՝ հուլիսի 22-ին լրագրողների հետ զրույցում այս մասին ասաց ՀՀ պաշտպանության նախարար Դավիթ Տոնոյանը՝ պատասխաներով հայկական ԶՈՒ-ի համար նոր սպառազինության ձեռքբերման մասին հարցին: Ինչ վերաբերում է Ռուսաստանից ռազմական օդանավերը ստանալու ժամկետներին, նախարարը տեղեկացրեց, որ ըստ պայմանագրային պարտավորությունների՝ ակնկալվում է դրանք ստանալ մինչև այս տարեվերջ կամ հաջորդ տարեսկիզբ:
Նշենք, որ խոսքը Սու-30ՍՄ բազմաֆունկցիոնալ կործանիչների մասին է: Հայաստանի ռազմական ուսումնական հաստատություններում շրջանավարտների թիվը Դավիթ Տոնոյանը բավարար է գնահատում, թեև, ըստ նրա, կցանկանայինք, որ ավելին լիներ:
«Բայց դա միայն ՀՀ-ի խնդիրը չէ: Զինվորական գործն աշխարհում ոչ այնքան պոպուլյար է: Հետաքրքրությունը դեպի զինվորական գործը որոշակի նվազել է, բայց հիմա մենք աճ ենք արձանագրում: Որոշակի փոփոխություններ են իրականացվում, և շատ հետաքրքիր է, որ «Պատիվ ունեմ» ծրագրի շրջանակում ՊՆ-ի պատվերով տարկետման իրավունքով տեղեր են հատկացվում, և այդ երիտասարդներն ապագայում սպա են լինելու, մենք ունենալու ենք կիրթ, ինտելեկտուալ բարձր կարողություններով և ֆիզիկապես պատրաստ սպաներ»,- ասաց Դավիթ Տոնոյանը:
Անդրադառնալով սահմանային իրավիճակին՝ նախարարն ասաց, որ սահմանի որոշ հատվածներում կա վերահսկելի լարվածություն, բայց անհանգստանալու կարիք չկա. «Զուտ ինժեներական աշխատանքներ են կատարվում, երկկողմանի փորձում են դադարեցնել»: Նախիջևանից հայկական գյուղի ուղղությամբ կրակոցներն էլ, Դավիթ Տոնոյանի խոսքով, եղել են ոչ թիրախավորված, հայկական կողմը միջոցներ է ձեռնարկել, կապ է հաստատել հարևան երկրի հետ, որպեսզի նման դեպքերը չկրկնվեն:
